Wiran Buhat Hon Visal Se Tashkeel Kar Mujhe,

Wiran Buhat Hon Visal Se Tashkeel Kar Mujhe,
Tu Mujh Se Pyaar Kar Zara Tabdeel Kar Mujhe,

Sehra Ki Tapti Rait Se Aa Kar Mujhe Bacha Ley,
Tu Thaandey Meethey Pani Ki Ek Jheel Kar Mujhe,

Choo Kar Mera Wajood Tajal'li C Bakhsh De,
Main Ek Andheeri Raat Hon Qandeel Kar Mujhe,

Ho Jaen Na Kaheen Kharaab Meri Aadateen,
Har Hukam Par Na Is Tarha Tameel Kar Mujhe,

Ab Is Tarha Se Mujh Ko Adhoora Na Chorr,
Main Hon Tera ' Wada' Ab To Takmeel Kar Mujhe..!!